Функцыі упраўлення па адукацыі

Ўпраўленне па адукацыі з'яўляецца структурным падраздзяленнем адміністрацыі Маскоўскага раёна горада Мінска

Асноўныя функцыі:

• аналізуе стан і прагназуе развіццё адукацыі, аховы дзяцінства ў раёне і вызначае прыярытэтныя напрамкі развіцця;
• забяспечвае захаванне сеткі дзіцячых дашкольных устаноў;
• аналізуе і кантралюе выкананне ў раёне Кодэкса Рэспублікі Беларусь аб адукацыі, іншых заканадаўчых актаў у сферы адукацыі, аховы дзяцінства;
• распрацоўвае праекты раённых праграм у галіне адукацыі, аховы дзяцінства;
• ажыццяўляе вучэбна-метадычнае кіраўніцтва і каардынацыю дзейнасці ўсіх навучальных устаноў і іншых устаноў сістэмы адукацыі незалежна ад ведамаснай прыналежнасці па пытаннях адукацыі, аховы дзяцінства;
• узгадняе навучальныя планы, забяспечвае ўстановы адукацыі падручнікамі, вучэбнымі дапаможнікамі, вучэбна-метадычнымi i iншымi сродкамi навучання, асноўнай школьнай дакументацыяй;
• арганізуе і праводзіць раённыя мерапрыемствы для вучняў, алімпіяды, спартакіяды, конкурсы, камплектуе дзецьмі дзіцячыя дашкольныя ўстановы;
• абараняе законныя правы і інтарэсы ўсіх суб'ектаў і ўстаноў адукацыі, удзельнічае сумесна з зацікаўленымі органамі і арганізацыямі ў ажыццяўленні мерапрыемстваў па паляпшэнню сацыяльна-бытавых умоў работнікаў адукацыі;
• распрацоўвае і рэалізуе меры па развіцці сістэмы інфармацыі ў галіне адукацыі, аховы дзяцінства, забяспечвае прадастаўленне ва ўстаноўленым парадку статыстычных дадзеных адпаведным установам і камітэту па адукацыі Мінгарвыканкама;
• арганізуе прыём грамадзян, разглядае іх прапановы, лісты, скаргі, заявы, прымае па iх адпаведныя меры;
• стварае камісіі па вывучэнні дзейнасці ўстаноў адукацыі, вызначае іх паўнамоцтвы, кіруе іх работай;
• ажыццяўляе iншыя функцыi, прадугледжаныя дзеючым заканадаўствам.

Якія вырашаюцца пытанні:

• забеспячэнне функцыянавання і развіццё сеткі ўстаноў адукацыі, якія адносяцца да вядзення кіравання;
• кантроль за забеспячэннем якасці дашкольнай і агульнай сярэдняй адукацыі, аховы дзяцінства, функцыянаваннем сістэмы адукацыі ў раёне;
• арганізацыя атрымання агульнай сярэдняй адукацыі дома;
• абарона правоў непаўналетніх, афармленне дазваленчых дакументаў па здзелках з кватэрамі, дзе пражываюць непаўналетнія дзеці (прыватызацыя, ўступленне або адмова ад спадчыны);
• вызначэнне дзяцей ва ўстановы адукацыі без рэгістрацыі ў г.Мінску;
• вызначэнне дзяцей у дзіцячыя дашкольныя ўстановы;
• арганізацыя правядзення выпускных экзаменаў за перыяд навучання выхавання на II і III ступенях агульнай сярэдняй адукацыі экстэрнам;
• ўстанаўленне апекі і папячыцельства над непаўналетнімі;
• змена прозвішча непаўналетніх;
• пытанні працаўладкавання ва ўстановы адукацыі раёна;
• афармленне пенсіі супрацоўнікам устаноў адукацыі раёна.